Ձմռանը դժվար եմ արթնանում

ՀԱՐՑ: Ձմեռային ամիսներին շատ դժվար եմ արթնանում: Սուրճն ու վիտամին C-ն ինձ հակացուցված են ստամոքսի ու լյարդի հետ ունեցած խնդիրների պատճառով: Խորհուրդ տվեք առավոտյան ժամերին թարմանալու որևէ անվտանգ միջոց:

ՊԱՏԱՍԽԱՆ: Ձմռան ավարտին և գարնան սկզբին շատերն են առավոտյան դժվարությամբ արթնանում: Նախ՝ սննդակարգումդ ընդգրկիր հնարավորինս շատ մրգեր, բանջարեղեն ու կանաչեղեն: Դիմիր թերապևտին և ստուգիր զարկերակային ճնշումդ: Եթե այն ցածր է, քեզ կօգնեն մեղրով թեյն ու ժենշենը: Եվ իհարկե, ինչքան հնարավոր է շատ շարժվիր: Ժամանակ գտիր առավոտյան մարմնամարզության համար: Գուցե սկզբում դժվար լինի, սակայն հավատա, դա թարմանալու լավագույն ձևն է: Իսկ շաբաթվա ընթացքում այցելիր լողավազան կամ մարզասրահ:

Հարցեր, պատասխաններ, մեկնաբանություններ